Khan mætir Salita í fyrstu titilvörn sinni

Nú hefur endanlega verið staðfest að WBA-léttveltivigtarmeistarinn Amir Khan muni verja titil sinn gegn Úkraínumanninum Dmitriy Salita.

Bardaginn mun þó ekki fara fram í Bandaríkjunum eins og búist var við heldur í Newcastle á Englandi.

„Þetta verður erfið titilvörn fyrir Khan því hann er að mæta hnefaleikamanna sem er að gera allt brjálað í Bandaríkjunum um þessar mundir og hann er líkt og Khan taplaus til þessa. Þetta verður því án vafa mikil veisla," segir Frank Warren skipuleggjandi bardagans, en bardaginn mun að öllu óbreyttu fara fram í desember.