Sjálfstæðisflokkur missir einn og VG bætir við sig

Samkvæmt skoðanakönnun sem Capacent Gallup gerði fyrir Rúv og Morgunblaðið í Norðausturkjördæmi missir Sjálfstæðisflokkur einn þingmann og Vinstri grænir bæta við sig einum þingmanni. Vinstri grænir mælast með mest fylgi eða 28% en Framsóknarflokkurinn mælist með 25,6% fylgi í kjördæminu.

Samfylkingin er þriðji stærsti flokkurinn með 21,3% og Sjálfstæðisflokkur með 20%. Borgararhreyfingin mælist með 2,8% fylgi, Frjálslyndi flokkurinn 1,7% og Lýðræðishreyfingin 0,5%.

Miðað við þessar niðurstöður fengi VG þrjá þingmenn í kjördæminu og myndi bæta við sig einum frá því í kosningunum 2007. Framsókn fengi tvo sem er það sama og í kosningunum 2007 en Sjálfstæðisflokkur tapar einum þingmanni og fengi tvo inn á þing.

Samfylkingin heldur sínu frá því í kosningunum 2007 og fengi tvo þingmenn.

Önnur framboð næðu ekki inn manni samkvæmt skoðanakönnuninni.