Keflavík vann í Seljaskóla

Þrír leikir voru í Iceland Express-deild karla í körfubolta í kvöld og unnust þeir allir á útivöllum. Keflavík vann ÍR í Seljaskóla 96-81. Sigur Keflvíkinga var verðskuldaður en þeir voru með forystuna allan leikinn.

Ómar Örn Sævarsson skoraði 23 stig fyrir Breiðholtsliðið en stigahæstir hjá Keflavík voru þeir Hörður Axel Vilhjálmsson og Þröstur Jóhannsson með 21 stig hvor.

Skallagrímur límdist enn fastar við botninn þegar liðið tapaði á heimavelli fyrir FSu 63-77. Sævar Sigurmundsson var með 22 stig fyrir FSu sem komst upp úr fallsæti. Landon Quick skoraði 16 stig fyrir Skallagrím.

Þór Akureyri tapaði fyrir Snæfelli 56-74. Guðmundur Jónsson skoraði 16 stig fyrir Þórsara en stigahæstur hjá Snæfelli var Hlynur Bæringsson með 20 stig.