Þriðji sigur Grindavíkur í röð - langþráður Snæfellssigur

Grindavíkurkonur unnu sinn þriðja leik í röð þegar þær unnu 95-80 sigur á Íslandsmeisturum Hauka sem töpuðu á sama tíma sínum þriðja leik í röð. Snæfell vann langþráðan og glæsilegan sigur á Val, 73-53 en liðið hafði tapað fimm leikjum í röð í deildinni.

Grindavíkurliðið skoraði 18 stig í röð í fyrsta leikhluta, komst í 28-12 og leit ekki til baka eftir það. Íris Sverrisdóttir skoraði 15 af 22 stigum sínum í fyrsta leikhlutanum.

Það var einnig mikilvægt hversu stór sigur Grindavíkur var því þær höfðu tapað fyrri leiknum með tólf stigum á Ásvöllum. Þessi sigur þýðir hinsvegar að liðið er með betri innbyrðisstöðu á móti Haukaliðinu verði liðin jöfn.

Það dugði ekki Haukum að Heather Ezell skoraði 37 stig í leiknum en hún skaut reyndar alls 32 sinnum í leiknum sem verður að teljast mjög mikið.

Snæfell vann sinn fyrsta sigur síðan 17. október þegar liðið vann kanalaust Valslið örugglega 73-52. Kristen Green fór fyrir Snæfellsliðinu og var með 21 stig og 12 fráköst í leiknum. Það hefur lítið gengið hjá Valsliðinu en þetta var fjórða tap þess í röð.



Grindavík-Haukar  (52-36)

Stig Grindavíkur: Michele DeVault 26 (11 fráköst), Íris Sverrisdóttir 22 (9 fráköst, 6 stoðsendingar), Petrúnella Skúladóttir 21, Jovana Lilja Stefánsdóttir 9, Ingibjörg Jakobsdóttir 8, Helga Hallgrímsdóttir 5, Berglind Anna Magnúsdóttir 4.

Stig Hauka: Heather Ezell 37, Telma Björk Fjalarsdóttir 17, Ragna Margrét Brynjarsdóttir 9, María Lind Sigurðardóttir 6, Bryndís Hanna Hreinsdóttir 4, Guðrún Ósk Ámundardóttir 2, Heiðrún Ösp Hauksdóttir 2, Kristín Fjóla Reynisdóttir 2, Margrét Rósa Hálfdánardótir 1.

Snæfell-Valur 73-52 (34-21)

Stig Snæfells: Kristen Green  21 (12 frák., 6 stoðs.), Gunnhildur Gunnarsdóttir 12 (7 stoðs.), Unnur Lára Ásgeirsdóttir 10, Helga Hjördís Björgvinsdóttir 8, Björg Guðrún Einarsdóttir 7, Sara Sædal Andrésdóttir 4, Erna Kristjánsdóttir 4, Rósa Indriðadóttir 4, Ellen Alfa Högnadóttir 2, Hrafnhildur Sif Sævarsdóttir 1.

Stig Vals: Birna Eiríksdóttir 16, Hanna S. Hálfdanardóttir 12, Berglind Karen Ingvarsdóttir 10, Hrund Jóhannsdóttir 6, Þórunn Bjarnadóttir 4, Ragnheiður Benónísdóttir 2, Ösp Jóhannsdóttir 2.