Gengisvísitala krónunnar hefur ekkert breyst í dag. Skýringin á því er sú að engin viðskipti hafa átt sér stað með krónur á gjaldeyrismarkaði hjá bönkunum síðan á fimmtudag.
Nokkru munar á gengiskráningunni. Vísitalan stendur í 200 stigum hjá Landsbankanum, í 199,7 stigum hjá Kaupþingi en í 199,4 hjá Íslandsbanka.
Einn Bandaríkjadalur kostar nú 112,8 krónur, ein evra 154 krónur, eitt pund 164,9 krónur og ein dönsk 20,6 íslenskar.
