Breiðablik lagði Tindastól - Mætir KR í fyrstu umferð

Leik lokið. Breiðablik 84 - Tindastóll 81

Rúnar Erlingsson kom Blikum yfir á vítalínunni og Sovic innsiglaði sigurinn með tveimur vítum og stal svo boltanum af Stólunum í síðustu sókn þeirra.

Tindastólsmenn reyndu vísvitandi að koma leiknum í framlengingu til að eiga möguleika á að vinna með fimm stiga mun, en taugar Rúnars héldu á vítalínunni.

Blikar eru því komnir í úrslitakeppnina þar sem þeir mæta deildarmeisturum KR.

Stig Breiðabliks:

Nemanja Sovic 35 (18 frák), Daníel Guðmundsson 12, Rúnar Erlingsson 11, Emil Jóhannsson 9, Þorsteinn Gunnlaugsson 5, Kristján Sigurðsson 4, Birkir Heimisson 4, Hjalti Vilhjálmsson 4

Stig Tindastóls:

Svavar Birgisson 25, Ísak Einarsson 20, Friðrik Hreinsson 14, Helgi Viggósson 12, Helgi Margeirsson 5, Óli Reynisson 5.

20:45 - Liðin skiptast á körfum. Friðrik Hreinsson kemur Tindastól yfir með skoti úr teignum þegar 13 sekúndur eru eftir. Staðan 80-81 fyrir Stólana. Áður kom Nemanja Sovic Blikum yfir með sniðskoti.

20:40 - Þvílík spenna! Tindastólsmenn komnir yfir 76-77 þegar 1 mínúta og 27 sekúndur eru eftir. Blikar eiga boltann. Tekið leikhlé.

20:39 - Blikar yfir 74-73 þegar 2:30 eru eftir.

20:36 - Blikar hafa yfir 74-69 þegar þrjár mínútur eru eftir. Heimamenn eru líklegri þessa stundina og Stólarnir í vandræðum.

20:30 - Blikar hafa yfir 66-62 þegar 7:45 eru til leiksloka. Emil Jóhannsson var lykilmaður í rispu heimamanna áðan og setti niður tvo þrista þegar liðið komst yfir.

Þriðja leikhluta lokið. Breiðablik 63 - Tindastóll 56.

Eyjólfur er heldur betur að hressast í Kópavogi. Heimamenn tóku góða rispu í lok leikhlutans þar sem þeir komust í fyrsta skipti yfir í stöðunni 58-56 og skoruðu svo síðustu stig leikhlutans. Stuðningsmenn þeirra hvítklæddu kunna vel að meta baráttuna og fagna þeim ákaft.

19:18 - Sovic setur niður tvö víti og minnkar muninn í 53-54. Stuðningsmenn Blika taka við sér á ný og nú verða Skagfirðingar að halda haus.

20:13 - Stuðningsmenn Blika hafa greinilega fengið meira kaffi en blaðamaður í hálfleik, því nú tromma þeir og öskra eins og enginn sé morgundagurinn. Blikar eru hressir í byrjun en eru enn undir 47-54.

Hálfleikur. Breiðablik 40 - Tindastóll 48.

Norðanmenn hafa verið með frumkvæðið frá fyrstu mínútu hér í Smáranum og leiða verðskuldað í hálfleik.

Ísak Einarsson skoraði fimm síðustu stig liðsins í öðrum leikhluta og er kominn með 18 stig, Svavar Birgisson 10 og Friðrik Hreinsson er með 8 stig.

Nemanja Sovic er allt í öllu hjá Blikum og er kominn með 19 stig og 8 fráköst.

19:54 - Tvær mínútur eftir af öðrum leikhluta og staðan 36-43 fyrir Tindastól.

19:47. Leikhlé. Tindastóll hefur yfir 33-38. Norðamenn virðast ekki ætla að láta forskot sitt af hendi.

19:44 - Annar leikhluti hálfnaður og Tindastóll hefur yfir 31-33. Friðrik Hreinsson og Svavar Birgisson eru með 8 stig hvor hjá Stólunum en Nemanja Sovic með 14 hjá Blikum.

19:39 - Stólarnir hafa enn yfir 28-30 þegar 8 mínútur eru eftir af öðrum leikhluta, en heimamenn eru að taka við sér. Loksins farið að heyrast í stuðningsmönnum Kópavogsliðsins í stúkunni.

Fyrsta leikhluta lokið. Breiðablik 24 - Tindastóll 27.

Stólarnir hafa verðskuldaða forystu eftir fyrsta leikhlutann og hafa verið ákveðnari í sínum aðgerðum fyrstu tíu mínúturnar. Þorsteinn Gunnlaugsson hjá Blikum meiddist á lokamínútu fyrsta leikhluta og er í aðhlynningu á hliðarlínunni.

19:30 - Leikhlé þegar 1:32 mín eru eftir af fyrsta leikhluta. Tindastóll hefur yfir 24-22. Nemanja Sovic fer fyrir Blikum og er kominn með 12 stig og 4 fráköst.

19:28 - Tindastóll í góðum málum og hefur yfir 24-17 þegar 2:30 eru eftir af fyrsta leikhluta.

19:23 - Leikurinn byrjar nokkuð fjörlega og gestirnir frá Sauðárkróki eru skrefinu á undan. Staðan 12-14 fyrir Tindastól þegar fyrsti leikhluti er ríflega hálfnaður.