Hafa gulu búningarnir svona mikil áhrif?

Það má búast við því að Grindvíkingar hafi drifið gulu búninga sína í þvott eftir sigurinn í DHL-Höllinni á skírdag svo að þeir verði örugglega klárir fyrir fjórða leikinn í dag.

Grindavík hefur unnið KR í þremur síðustu leikjum sínum í gulu búningunum en Grindvíkingar hafa aftur á móti alltaf tapað fyrir KR-ingum í þeim bláu í vetur. Grindavík lék í bláu búningunum í fyrsta leiknum á móti KR í lokaúrslitunum en mættu í gulu í leiki þrjú eftir að hafa unnið leik tvö á heimavelli.

KR-ingar hafa unnið Grindavík einu sinni í gulu búningunum í vetur en það var í úrslitaleik Powerade-bikarsins í Laugardalshöllinni 5. október 2008 en það var fyrsta viðureign liðanna í vetur. KR vann þann leik 98-95 með flautu-þristi frá Jason Dourisseau.

Fjórði leikur Grindavíkur og KR um Íslandsmeistaratitilinn í Iceland Express deildinni hefst klukkan 16.00 í Röstinni í Grindavík í dag og verður Grindavík Íslandsmeistari í fyrsta sinn í þrettán ár með sigri. Vinni KR verður oddaleikur í DHL-Höllinni á mánudaginn.

Innbyrðisleikir Grindavíkur og KR 2008-2009:

5. október 2008 Laugardalshöll

Úrslitaleikur Powerade-bikarsins

KR-Grindavík 98-95

Grindavík í gulu (tap)

6. nóvember 2008 DHL-Höllin

Iceland Express deildin

KR-Grindavík 82-80

Grindavík í bláu (tap)

24. janúar 2009 DHL-Höllin

Undanúrslit Subway-bikarsins

KR-Grindavík 82-70

Grindavík í bláu (tap)

9. febrúar 2009 Röstin í Grindavík

Iceland Express deildin

Grindavík-KR 91-80

Grindavík í gulu (sigur)

4. apríl 2009 DHL-Höllin

Lokaúrslit Iceland Express deildarinnar - Leikur 1

KR-Grindavík 88-84

Grindavík í bláu (tap)

6. apríl 2009 Röstin í Grindavík

Lokaúrslit Iceland Express deildarinnar - Leikur 2

Grindavík-KR 100-88

Grindavík í gulu (sigur)

9. apríl 2009 DHL-Höllin

Lokaúrslit Iceland Express deildarinnar - Leikur 3

KR-Grindavík 94-107

Grindavík í gulu (sigur)