Miklu meiri lokaúrslitareynsla í KR-liðinu

Haukar og KR hefja á eftir úrslitaeinvígi sitt um Íslandsmeistaratitilinn í Iceland Express deild kvenna í körfubolta. Haukar eru deildarmeistarar og með heimavallarrétt en það er miklu meiri lokaúrslitareynsla í liði Vesturbæinga. Tíu KR-konur hafa áður tekið þátt í lokaúrslitum á móti aðeins fjórum Haukakonum. Fyrsti leikurinn hefst klukkan 16.00 á Ásvöllum.

Tíu leikmenn KR hafa tekið þátt í samtals 78 leikjum í lokaúrslitum og hafa spilað í 1358 mínútur í þessum leikjum um Íslandsmeistaratitilinn. Fjórir leikmenn Hauka hafa aftur á móti tekið þátt í samtals 19 leikjum í lokaúrslitum og hafa spilað alls í 202 mínútur í leikjum um titilinn eða í 1156 færri mínútur en KR-konur.

Öll lokaúrslitaleikjareynsla Haukaliðsins liggur nánast hjá Kristrúnu Sigurjónsdóttir, fyrirliða liðsins, en hún var í stóru hlutverki þegar Haukar unnu titilinn 2006 og 2007. Kristrún hefur spilað 193 af þessum 202 mínútum og ennfremur skorað 72 af þeim 74 stigum sem leikmenn Hauka hafa áður skorað í lokaúrslitum.

Hildur Sigurðardóttir, fyrirliði KR, er reyndasti leikmaður KR-liðsins, en hún hefur spilað 488 mínútur í 19 leikjum í lokaúrslitum. Hildur hefur skorað 8,4 stig og tekið 5,4 fráköst að meðaltali á 27,1 mínútum í þessum leikjum.

Hildur varð Íslandsmeistari með KR 2001 og 2002 en tapaði með KR í lokaúrslitum 2000, 2003 og 2008. Systir Hildar, Guðrún Arna, hefur einnig leikið 19 leiki en 399 mínútum færra.

Þrír leikmenn KR eru að spila í lokaúrslitum fjórða árið í röð. Þetta eru Borganessysturnar Sigrún og Guðrún Ámundadætur og Margrét Kara Sturludóttir sem á ein möguleika á að vinna Íslandsmeistaratitilinn annað árið í röð. Margrét Kara varð Íslandsmeistari með Keflavík í fyrra en hafði þurft að sætta sig við silfrið tvö ár þar á undan.

Systurnar Sigrún og Guðrún Ámundadætur geta orðið Íslandsmeistarar í þriðja sinn á fjórum árum en þær urðu meistarar með Haukum 2006 og 2007.

Tveir leikmenn Haukaliðsins, Kristrún Sigurjónsdóttir og Sara Pálmadóttir, eiga einnig möguleika á því að vinna þriðja gullið á fjórum árum.

Lokaúrslitaleikjareynslan í Haukaliðinu

Kristrún Sigurjónsdóttir 7 leikir, 193 mínútur og 72 stig

Sara Pálmadóttir 6 leikir, 7 mínútur og 0 stig

Ragna Margrét Brynjarsdóttir 3 leikir, 2 mínútur og 2 stig

Klara Guðmundsdóttir 1 leikur, 0 mínútur

Lokaúrslitaleikjareynslan í KR-liðinu

Hildur Sigurðardóttir 19 leikir, 488 mínútur og 152 stig

Guðrún Arna Sigurðardóttir 19 leikir, 89 mínútur og 19 stig

Sigrún Sjöfn Ámundadóttir 10 leikir, 277 mínútur og 104 stig

Margrét Kara Sturludóttir 10 leikir, 224 mínútur og 56 stig

Guðrún Ósk Ámundadóttir 9 leikir, 108 mínútur og 21 stig

Helga Einarsdóttir 3 leikir, 92 mínútur og 12 stig

Guðrún Gróa Þorsteinsdóttir 3 leikir, 80 mínútur og 27 stig

Þorbjörg Andrea Friðriksdóttir 3 leikir, 0 mínútur

Brynhildur Jónsdóttir 1 leikur, 0 mínútur

Dóra Björn Þrándardóttir 1 leikur, 0 mínútur

Fjögur ár í röð í lokaúrslitum

Sigrún Sjöfn Ámundadóttir

Haukar, 2006 Íslandsmeistari (3,0 stig og 4,3 frák. á 18,0 mínútum)

Haukar, 2007 Íslandsmeistari (14,0 stig og 7,5 frák. á 30,3 mínútum)

KR, 2008 Silfur (13,0 stig og 12,0 frák. á 34,0 mínútum)

Guðrún Ósk Ámundadóttir

Haukar, 2006 Íslandsmeistari (2,0 stig á 4,0 mínútum)

Haukar, 2007 Íslandsmeistari (1,3 stig og 1,5 frák. á 11,5 mínútum)

KR, 2008 Silfur (4,7 stig og 1,7 frák. á 19,3 mínútum)

Margrét Kara Sturludóttir

Keflavík, 2006 Silfur (3,0 stig og 10,5 frák. á 22,5 mínútum)

Keflavík, 2007 Silfur (7,8 stig og 8,0 frák. á 26,5 mínútum)

Keflavík, 2008 Íslandsmeistari (6,3 stig og 11,0 frák. á 24,3 mínútum)