KR knúði fram oddaleik

KR vann í kvöld níu stiga sigur á Haukum, 65-56, í fjórða leik liðanna um Íslandsmeistaratitil kvenna í körfubolta. Þar með er ljóst að úrslitin um titilinn ráðast í oddaleik á miðvikudagskvöldið.

Leiknum var lýst beint á Vísi og má lesa lýsinguna hér að neðan.

Leik lokið: KR - Haukar 65-56

Haukum gengur lítið að skora og eru duglegir að brjóta. KR er að nýta vítin ágætlega og sigurinn aldrei í hættu.

Stig KR:

Hildur Sigurðardóttir 22 (12 fráköst)

Margrét Kara Sturludóttir 14

Sigrún Sjöfn Ámundadóttir 14 (9 fráköst)

Guðrún Þorsteinsdóttir 5 (8 fráköst)

Helga Einarsdóttir 5

Guðrún Ámundadóttir 4

Guðrún Sigurðardóttir 1



Stig Hauka:

Slavica Dimovska 17

Ragna Brynjarsdóttir 13

Monika Knight 10

Kristrún Sigurjónsdóttir 6

Guðbjörg Sverrisdóttir 6

Telma Fjalarsdóttir 4 (8 fráköst)

40. mínúta: KR - Haukar 62-54

Ekkert kemur úr sókn Hauka sem brjóta um leið og KR fær boltann. Hildur setur bæði niður og Haukar taka leikhlé. 59 sekúndur eftir. Nánast komið hjá KR og stefnir í oddaleik.

39. mínúta: KR - Haukar 61-54

Monika Knight "villar út" eftir að hafa brotið á Sigrúnu sem fer á vítalínuna og setur fyrra niður. 1:18 eftir.



38. mínúta: KR - Haukar 60-54

Hildur eykur muninn í sex stig og nær svo varnarfrákasti. KR með boltann og tæpar tvær eftir.

37. mínúta: KR - Haukar 58-54

Slavica með þrist og KR missir svo boltann í næstu sókn. Þrjár og hálf eftir og leikhlé tekið. Ótrúlega kaflaskiptur leikur - það er óhætt að segja það. KR með eitt stig í fjórða leikhluta - Haukar fimmtán.

35. mínúta: KR - Haukar 58-49

Það gengur ekkert hjá KR þessar mínúturnar. Aðeins eitt stig komið í leikhlutanum og Hildur var að klikka á tveimur vítaskotum.

33. mínúta: KR - Haukar 57-47

Það er allt annað að sjá til varnarleik Hauka og þeir hafa gengið á lagið og skorað átta fyrstu stigin í fjórða leikhluta. KR-ingar ekki komnir á blað enn. Þessi leikur er ekki dauður enn.

32. mínúta: KR - Haukar 57-41

Haukarnir komnir í pressuvörn og það virðist ætla að ganga aðeins betur. En betur má ef duga skal. KR vann 2. og 3. leikhluta samtals 45-17.

3. leikhluta lokið: KR - Haukar 57-39

Haukar skoruðu átta stig í öðrum leikhluta og níu í þriðja leikhluta. KR-vörnin er að virka vel þessa stundina - það er óhætt að segja það.

28. mínúta: KR - Haukar 53-36

KR er að stinga af. Sigrún Sjöfn með þrist og maður skyldi ætla að Haukar myndu endurskoða svæðisvarnarleikinn sinn. Haukar taka líka leikhlé í þessum töluðu.

25. mínúta: KR - Haukar 48-36

Hildur setur niður þrist og KR er að taka myndarlegt forskot í leiknum. KR er á 30-8 spretti sem er nokkuð gott.

22. mínúta: KR - Haukar 38-34

Slavica svarar fyrir Hauka. Brotið á henni í þriggja stiga skoti en hún hittir samt og klárar svo vítið líka.

21. mínúta: KR - Haukar 38-30

Síðari hálfleikur hafinn og KR skorar fyrstu stigin, rétt eins og í fyrri hálfleik. Það gera 20 af síðustu 22 stigum í leiknum.



Hálfleikur: KR - Haukar 34-30

Hildur með þrist undir lokin og KR skoraði sextán af síðustu átján stigum hálfleiksins. Búið að vera nokkuð um sveiflur í þessum leik til þessa.

Stig KR:

Margrét Kara Sturludóttir 10

Hildur Sigurðardóttir 10

Sigrún Sjöfn Ámundadóttir 5

Helga Einarsdóttir 4

Guðrún Þorsteinsdóttir 2

Guðrún Ámundadóttir 2

Guðrún Sigurðardóttir 1

Stig Hauka:

Ragna Brynjarsdóttir 9

Slavica Dimovska 6

Monika Knight 5

Guðbjörg Sverrisdóttir 4

Kristrún Sigurjónsdóttir 4

Telma Fjalarsdóttir 2

18. mínúta: KR - Haukar 29-28

Hörkuvörn hjá KR sem hefur skorað ellefu stig í röð í leiknum. Haukar vita ekkert hvað þeir eiga að gera.

16. mínúta: KR - Haukar 23-28

Mikill hraði í þessum leik. Sigrún Sjöfn setti niður þrist og minnkaði muninn aftur fyrir KR-inga en annars hefur verið mikið um hraðar sóknir og mistök eftir því.

13. mínúta: KR - Haukar 18-23

Hildur Sigurðardóttir aftur komin í sóknarleik KR og þá ganga hlutirnir betur. Haukastúlkur eru þar að auki að hitta illa í sókninni þessar mínúturnar.

1. leikhluta lokið: KR - Haukar 12-22

Þvílíkur endir á fyrsta leikhlutanum. Haukar skoruðu síðustu níu stigin í leiknum. KR réði ekkert við svæðisvörn Hauka sem hirtu öll fráköst í vörninni og skoruðu auðveldar körfur í kjölfarið. Slavica Dimovska kláraði svo leikhlutann með þristi.

8. mínúta: KR - Haukar 12-13

Knight heldur áfram að valda usla í vörn heimamanna og Haukar eru komnir yfir. Það er mikil harka í leiknum og útlit fyrir æsispennandi rimmu.

5. mínúta: KR - Haukar 10-9

Monika Knight er að spila glimrandi góðan sóknarleik og stendur fyrir því að Haukar eru komnir vel inn í þennan leik.

3. mínúta: KR - Haukar 7-2

Kara setur niður þrist og KR komið með fimm stiga forystu. Heimamenn að spila ágætisvörn.

1. mínúta: KR - Haukar 2-0

Leikurinn hafinn og KR skorar fyrstu stigin í leiknum.



19.12 Allt að verða klárt

Hér er verið að kynna liðin til leiks og sérstaklega gaman að sjá hversu vel er mætt á þennan leik. Það er örugglega eitthvað eftir af þeirri mögnuðu spennu sem ríkti á síðasta leik sem fór fram í DHL-höllinni.

19.00 Velkomin til leiks

Vísir heilsar hér frá KR-heimilinu þar sem senn fer að hefjast viðureign KR og Hauka í úrslitum Iceland Express deildar kvenna. KR verður að vinna í kvöld til að knýja fram oddaleik, annars verða Haukar Íslandsmeistarar í kvöld. Flóknara er það ekki.