Eimskip fellur um 67 prósent

Gengi hlutabréfa í Eimskipafélaginu hefur fallið um 66,67 prósent í dag og stendur gengi bréfa í félaginu í hálfri krónu á hlut. Bréf Eimskips hefur verið á hraðri siglingu niður á við frá í október í fyrra þegar það náði hæsta gildi, 42,8 krónum fyrir hvern hlut. Eftir því sem gefið hefur á bátinn og afskriftir aukist hjá félaginu, svo sem með afskrift á breska flutninga- og kælivörufyrirtækinu Innovate og tilkynningu um sölu eigna, hefur markaðsverðmæti félagsins farið á hliðina. Gengið hékk lengi vel í 14 krónum á hlut frá júní fram í byrjun september en féll hratt eftir það og stendur nú í, líkt og áður sagði, í 50 aurum.