Keflavík lagði KR

Keflavík hefur náð 1-0 forystu í úrslitaeinvígi sínu við KR í Iceland Express deild kvenna í körfubolta eftir nauman 82-81 sigur í hörkuleik í Keflavík.

Kesha Watson hjá Keflavík var kjörin besti leikmaður leiksins og fékk fyrir vikið vegleg verðlaun frá Iceland Express.

Kesha Watson skoraði 21 stig, gaf 12 stoðsendingar og hirti 9 fráköst fyrir Keflavík, Birna Valgarðsdóttir skoraði 19 stig og Ingibjörg Vilbergsdóttir skoraði 15.

Candice Futrell skoraði 29 stig, hirti 10 fráköst og gaf 7 stoðsendingar fyrir KR og Hildur Sigurðardóttir skoraði 26 stig og gaf 9 stoðsendingar.