Keflavík og KR í lykilstöðu fyrir leiki kvöldsins

Í kvöld gæti ráðist hvaða lið muni leika til úrslita í Iceland Express deild kvenna í körfubolta. Keflavík og KR fá þar heimaleiki gegn Haukum og Grindavík og geta tryggt sér sæti í úrslitum með sigri í kvöld.

Keflavík og KR hafa yfir 2-0 í rimmum sínum og geta klárað dæmið á heimavöllum sínum í kvöld, en það yrði nokkuð óvænt niðurstaða ef tekið er mið af spennunni sem hefur verið í einvígjum liðanna í vetur.

Báðir kvennaleikirnir hefjast klukkan 19:15 í kvöld. 

Þá hefst úrslitakeppni 1. deildar karla í kvöld þar sem spennan er mikil í baráttunni um sæti í úrvalsdeildinni á næsta ári.

Valur og Ármann/Þróttur mætast í Vodafonehöllinni og hefst leikurinn klukkan 20:00

FSu og Haukar mætast í Iðu á Selfossi og hefst leikurinn klukkan 19:15