Úrvalsliðið lagði landsliðið

Úrvalslið Iceland Express deildar kvenna hafði sigur 103-94 gegn Íslenska landsliðinu í fyrri Stjörnuleiknum hjá KKÍ sem fram fer á Ásvöllum. LaKiste Barkus hjá Hamri skoraði 32 stig og var kjörin besti leikmaðurinn í leiknum.

Leikurinn í karlaflokki hófst klukkan 16 en þá er einnig ólokið troðkeppni og skotkeppni þar sem margar af helstu skyttum þjóðarinnar fyrr og síðar etja kappi.

Í skotkeppninni í kvennaflokki var mikil spenna, en þar var það Pálína Gunnlaugsdóttir sem varð hlutskörpust eftir bráðabana við Efemíu Sigurbjörnsdóttur.

Hér má sjá hvernig fór í úrslitunum í skotkeppninni:

Úrslit

Pálína Gunnlaugsdóttir 11 stig

Efemía Sigurbjörnsdóttir 11 stig

Slavica Dimovska 9 stig

Petrúnella Skúladóttir 9 stig

Sigrún Skarphéðinsdóttir 6 stig

Bráðabani

Pálína Gunnlaugsdóttir 11 stig

Efemía Sigurbjörnsdóttir 9 stig