Það verður athyglisverð bikarviðureign í kvöld þegar Grindavík leikur á móti Grindavík B í innanbæjarslag. Friðrik Ragnarsson, þjálfari Grindavíkur, mun leika gegn lærisveinum sínum í leiknum.
Friðrik sagði í viðtali í útvarpsþættinum Skjálfanda á X-inu að hann hafi ákveðið að spila með Grindavík B í leiknum vegna fjölda áskorana. Hann sagðist jafnframt búast við að B-liðið gæti kannski staðið í aðalliðinu í fyrsta leikhluta en býst ekki við miklu eftir það.
