Ballesteros gekkst undir fjórðu aðgerðina

Seve Ballesteros er aftur kominn á gjörgæsludeild eftir að hafa gengist undir sína fjórðu stóru aðgerð vegna heilaæxlis. Þessi þekkti kylfingur hefur dvalið á sjúkrahúsi í Madríd síðan 14. október.

Ballesteros er 51. árs en hann lagði kylfuna á hilluna í fyrra. Ástand hans er stöðugt samkvæmt upplýsingum og verður honum haldið á gjörgæsludeildinni undir stöðugu eftirliti.

Ballesteros var greindur með heilaæxli eftir að hann missti meðvitund á flugvellinum í Madríd og hefur nú farið í fjórar stórar aðgerðir. Hann vann alls 87 titla á ferli sínum.