Tveggja og hálfs árs fangelsi fyrir kynferðisbrot gegn fimm ára stúlku 30. maí 2007 14:41 MYND/Stefán Héraðsdómur Reykjavíkur dæmdi í dag karlmann í tveggja og hálfs árs fangelsi fyrir kynferðisbrot, umferðarlagabrot og fíkniefnabrot, þar á meðal mjög alvarlegt brot gegn fimm ára stúlku á leiksvæði við íbúðarhús í Vogahverfi. Þá var hann dæmdur til að greiða stúlkunni 800 þúsund krónur í miskabætur. Ákæra á hendur manninum var í átta liðum og sneru fimm þeirra að kynferðisbrotum. Það alvarlegasta átti sér stað í janúar en í því var manninum gefið að sök að hafa lokkað fimm ára stúlku inn í kofa á leiksvæði og látið hana snerta lim sinn og hafa munnmök við sig. Maðurinn neitaði sök varðandi þennan ákærulið en viðurkenndi þó að hafa hitt stúlkuna á leiksvæðinu umræddan dag. Sagðist hann hafa verið þar að reykja og að hann hefði verið undir áhrifum lyfja. Lögregla fann sígrettustubb á vettvangi og leiddi rannsókn á honum í ljós að maðurinn hefði verið á staðnum. Í ljósi þess hve framburður stúlkunnar var stöðugur og um margt nákvæmur var maðurinn sakfelldur fyrir brotið. Maðurinn var einnig ákærður fyrir að hafa sýnt annarri fimm ára stúlku getnaðarlim sinn á leiksvæði í desember í fyrra en var sýknaður af því þar sem ekki var talið sannað að hann hefði verið á umræddum stað á umræddum tíma. Segir í dómnum að þó að margt sé líkt með þessum atburði og þeim sem fyrr var nefndur nægi það ekki til þess að sakfella manninn fyrir brotið. Gegn staðfastri neitun mannsins var hann því sýknaður. Maðurinn var enn fremur ákærður í tveimur liðum fyrir að hafa, sama dag og hann braut gegn fimm ára stúlkunni í janúar, kallað tvær stúlkur, 9 og 12 ára, að bíl sínum á tveimur stöðum og sýnt þeim klámfengnar myndir. Gerðist þetta við Sólheima annars vegar og Langholtsveg hins vegar. Í síðarnefnda tilvikinu var maðurinn einnig sakaður um að hafa spurt 12 ára stúlkuna hvort hún vildi sjá getnaðarlim sinn. Játaði maðurinn á sig fyrra brotið en neitaði sök í því síðara. Var hann sýknaður af því síðarnefnda þar sem myndirnar þóttu ekki klámfengnar og þar sem framburður stúlkunnar þótti ekki nógu skýr. Maðurinn var hins vegar sakfelldur fyrir vörslu yfir 1100 barnaklámmynda sem lögregla fann í tölvu hans við húsleit. Enn fremur játaði maðurinn að hafa ekið án ökuréttinda í desember í fyrra og sömuleiðis ekið bíl undir áhrifum lyfja og án ökuréttinda þegar hann braut gegn fimm ára stúlkunni. Geðlæknir var beðinn um að rannsaka manninn og komst hann að því að maðurinn væri haldinn barnagirnd. Hins vegar væri hann ekki geðveikur og ófær um að stjórna gerðum sínum. Hann var því með öðrum orðum metinn sakhæfur. Í niðurlagi dómsins segir að brot mannins gegn fimm ára stúlkunni hafi verið mjög alvarlegt og að hann hafi brotið gegn barni á leiksvæði nærri heimili þess. Var það því mat dómsins að hann skyldi hljóta tveggja og hálfs árs fangelsi en til frádráttar kemur gæsluvarðhald sem hann hefur sætt frá 16. janúar. Sem fyrr segir var hann dæmdur til að greiða fimm ára stúlkunni 800 þúsund krónur í miskabætur og níu ára stúlkunni sem hann sýndi klámfengna mynd hundrað þúsund krónur. Enn fremur ber honum að greiða um tvær milljónir í sakarkostnað. Dómsmál Mest lesið Fjórir látnir eftir skotárás á Manhattan Erlent Maxwell biðlar til Hæstaréttar Erlent Langtímarannsóknir skorti á áhrifum kreatíns Innlent Fundaði með Guterres: Tveggja ríkja lausnin sé eina lausnin Innlent „Þetta er auðvitað stórhættulegt“ Innlent Íhuga að greiða sextíu milljarða til að friðþægja Trump Erlent Ungir menn staðnir að því að skjóta gelkúlum á vegfarendur Innlent Á annan tug í valnum eftir að Rússar sprengdu fangelsi í loft upp Erlent Mögulegur fyrirboði um goslok Innlent Trump segir „alvöru hungursneyð“ ríkja á Gasa Erlent Fleiri fréttir Neyðarástand á Gasa og ágengir túristar angra kirkjugesti Dóttirin í Súlunesi ákærð Vonast til að spáin rætist ekki: Rigning og 22 metrar á sekúndu Rannsaka áhrif samfélagsmiðla á heilastarfsemi barna Meintur þjófur leitaði til lögreglu vegna framkvæmdastjórans Gat ekki sannað að verkstæðið tjónaði vélina Mögulegur fyrirboði um goslok Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Sjá meira
Héraðsdómur Reykjavíkur dæmdi í dag karlmann í tveggja og hálfs árs fangelsi fyrir kynferðisbrot, umferðarlagabrot og fíkniefnabrot, þar á meðal mjög alvarlegt brot gegn fimm ára stúlku á leiksvæði við íbúðarhús í Vogahverfi. Þá var hann dæmdur til að greiða stúlkunni 800 þúsund krónur í miskabætur. Ákæra á hendur manninum var í átta liðum og sneru fimm þeirra að kynferðisbrotum. Það alvarlegasta átti sér stað í janúar en í því var manninum gefið að sök að hafa lokkað fimm ára stúlku inn í kofa á leiksvæði og látið hana snerta lim sinn og hafa munnmök við sig. Maðurinn neitaði sök varðandi þennan ákærulið en viðurkenndi þó að hafa hitt stúlkuna á leiksvæðinu umræddan dag. Sagðist hann hafa verið þar að reykja og að hann hefði verið undir áhrifum lyfja. Lögregla fann sígrettustubb á vettvangi og leiddi rannsókn á honum í ljós að maðurinn hefði verið á staðnum. Í ljósi þess hve framburður stúlkunnar var stöðugur og um margt nákvæmur var maðurinn sakfelldur fyrir brotið. Maðurinn var einnig ákærður fyrir að hafa sýnt annarri fimm ára stúlku getnaðarlim sinn á leiksvæði í desember í fyrra en var sýknaður af því þar sem ekki var talið sannað að hann hefði verið á umræddum stað á umræddum tíma. Segir í dómnum að þó að margt sé líkt með þessum atburði og þeim sem fyrr var nefndur nægi það ekki til þess að sakfella manninn fyrir brotið. Gegn staðfastri neitun mannsins var hann því sýknaður. Maðurinn var enn fremur ákærður í tveimur liðum fyrir að hafa, sama dag og hann braut gegn fimm ára stúlkunni í janúar, kallað tvær stúlkur, 9 og 12 ára, að bíl sínum á tveimur stöðum og sýnt þeim klámfengnar myndir. Gerðist þetta við Sólheima annars vegar og Langholtsveg hins vegar. Í síðarnefnda tilvikinu var maðurinn einnig sakaður um að hafa spurt 12 ára stúlkuna hvort hún vildi sjá getnaðarlim sinn. Játaði maðurinn á sig fyrra brotið en neitaði sök í því síðara. Var hann sýknaður af því síðarnefnda þar sem myndirnar þóttu ekki klámfengnar og þar sem framburður stúlkunnar þótti ekki nógu skýr. Maðurinn var hins vegar sakfelldur fyrir vörslu yfir 1100 barnaklámmynda sem lögregla fann í tölvu hans við húsleit. Enn fremur játaði maðurinn að hafa ekið án ökuréttinda í desember í fyrra og sömuleiðis ekið bíl undir áhrifum lyfja og án ökuréttinda þegar hann braut gegn fimm ára stúlkunni. Geðlæknir var beðinn um að rannsaka manninn og komst hann að því að maðurinn væri haldinn barnagirnd. Hins vegar væri hann ekki geðveikur og ófær um að stjórna gerðum sínum. Hann var því með öðrum orðum metinn sakhæfur. Í niðurlagi dómsins segir að brot mannins gegn fimm ára stúlkunni hafi verið mjög alvarlegt og að hann hafi brotið gegn barni á leiksvæði nærri heimili þess. Var það því mat dómsins að hann skyldi hljóta tveggja og hálfs árs fangelsi en til frádráttar kemur gæsluvarðhald sem hann hefur sætt frá 16. janúar. Sem fyrr segir var hann dæmdur til að greiða fimm ára stúlkunni 800 þúsund krónur í miskabætur og níu ára stúlkunni sem hann sýndi klámfengna mynd hundrað þúsund krónur. Enn fremur ber honum að greiða um tvær milljónir í sakarkostnað.
Dómsmál Mest lesið Fjórir látnir eftir skotárás á Manhattan Erlent Maxwell biðlar til Hæstaréttar Erlent Langtímarannsóknir skorti á áhrifum kreatíns Innlent Fundaði með Guterres: Tveggja ríkja lausnin sé eina lausnin Innlent „Þetta er auðvitað stórhættulegt“ Innlent Íhuga að greiða sextíu milljarða til að friðþægja Trump Erlent Ungir menn staðnir að því að skjóta gelkúlum á vegfarendur Innlent Á annan tug í valnum eftir að Rússar sprengdu fangelsi í loft upp Erlent Mögulegur fyrirboði um goslok Innlent Trump segir „alvöru hungursneyð“ ríkja á Gasa Erlent Fleiri fréttir Neyðarástand á Gasa og ágengir túristar angra kirkjugesti Dóttirin í Súlunesi ákærð Vonast til að spáin rætist ekki: Rigning og 22 metrar á sekúndu Rannsaka áhrif samfélagsmiðla á heilastarfsemi barna Meintur þjófur leitaði til lögreglu vegna framkvæmdastjórans Gat ekki sannað að verkstæðið tjónaði vélina Mögulegur fyrirboði um goslok Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Sjá meira