Þjófar læstust inni

Tveir grímuklæddir þjófar spenntu upp útihurð að sjónvarpsverslun við Síðumúla í nótt og voru á útleið með tvö fjörutíu tommu plasma sjónvarpstæki þegar útihurðin skall aftur í lás.

Fát virðist hafa komið á þá við að vera læstir inni, þannig að þeir grýttu örðu tækinu í gegnum rúðu á útihurðinni til þess að komast út. Við það eyðilagðist tækið en hinu gleymdu þeir á gólfinu innandyra á flóttanum.

Mannanna er nú leitað , en upptaka er til af þeim úr eftirlitsmyndavél.