Smyglarar ekki stressaðir að sjá

„Þeir komu vel fyrir," segir starfsmaður frystihússins á Fáskrúðsfirði um skútumennina tvo sem handteknir voru þar í bænum á áttunda tímanum í gærmorgun.

Mennirnir úr skútunni spurðust fyrir um það hvort þeir væru ekki örugglega á Fáskrúðsfirði og fengu að hringja í frystihúsinu á sjötta tímanum um morguninn, að því er talið er í félaga þeirra sem kom akandi til bæjarins. „Þeir voru mjög kurteisir og almennilegir. Ekkert stressaðir að sjá," segir viðmælandinnn úr frystihúsinu sem ekki vill að nafn hans komi fram.