Leikmenn eru enn að jafna sig eftir HM

Steve McClaren, landsliðsþjálfari Englendinga í knattspyrnu, segir að það taki menn sex mánuði að jafna sig eftir vonbrigðin á HM í sumar. Hann á von á því að sjá lykilmenn enska landsliðsins, sem og annara þjóða, slá í gegn eftir áramót.

"Það hefur sýnt sig að það tekur menn allt að hálft ár að jafna sig eftir HM, ekki síst að jafna sig andlega eftir áfallið við að falla úr keppni. Þetta höfum við séð á enskum leikmönnum sem og öðrum, en ég held að menn fari nú að hrista þetta af sér og á von á því að sjá drengina standa sig vel í undankeppni EM eftir áramótin - enda er stórt verkefni framundan," sagði McClaren.