America áfram í HM félagsliða

America frá Mexíkó tryggði sér í dag ferseðilinn í undanúrslit á heimsmeistaramóti félagsliða í knattspyrnu þar sem liðið mætir Evrópumeisturum Barcelona.

Heimsmeistaramót félagsliða hófst um helgina en mótið fer fram í Japan. Í morgun mættust Club America frá Mexíkó og Jeonbuk Motors frá Suður Kóreu í beinni útsendingu á Sýn sem sýnir 6 leiki beint frá mótinu.

Eina mark leiksins kom ellefu mínútum fyrir leikslok en þar var á ferðinni Ricardo Rojas. Í keppninni keppa félagslið frá sex heimsálfum en Sao Paulo frá Brasilíu á titil að verja.

Fjölmargir japanskir stuðningsmenn Barcelona voru samankonir á Narita flugvellinum rétt fyrir utan Tokyo til að hylla hetjurnar sínar þegar Eiður Smári og félagar komu til Japan í morgun. Barcelona mætir Club America á miðvikudagsmorgun í beinni útsendingu á Sýn en Barcelona getur með sigri á mótinu orðið fyrsta liðið frá Evrópu til að vinna þessa keppni.