Mikil pressa á Eiði Smára í kvöld

Útlit er fyrir að pressan sé mikil á Eið Smára Guðjohnsen hjá Barcelona í kvöld þegar liðið sækir Levski Sofia í Búlgaríu í Meistaradeildinni. Barcelona þarf nauðsynlega á sigri að halda og á heimasíðu félagsins í dag stendur að liðið muni treysta á að íslenski framherjinn sýni aðra eins frammistöðu og þegar hann skoraði tvö mörk gegn Mallorca í spænsku deildinni á dögunum.

"Eftir að Eiður skoraði tvö mörk í síðasta deildarleik er klárt mál að Eiður er maður augnabliksins. Íslendingurinn hefur skoraði sjö mörk á leiktíðinni og frammistaða hans gæti ráðið miklu um það hvort Barcelona kemst í næstu umferð keppninnar. Það er kominn tími til fyrir Eið að sýna endanlega úr hverju hann er gerður í ljósi þeirra miklu meiðsla sem hrjá framverði liðsins þessa dagana," segir á heimsíðu Barcelona í dag.