Þriggja mánaða fangelsi fyrir þjófnað

Karlmaður var í Héraðsdómi Reykjavíkur í dag dæmdur í þriggja mánaða fangelsi fyrir ítrekaða þjófnaði á vörum vöruverslunum á höfuðborgarsvæðinu. Samanlögð upphæð þess sem hann stal nam um sjö þúsund krónum en vörunum rændi maðurinn á tímabilinu ágúst í fyrra til októbermánaðar á þessu ári. Maðurinn játaði brot sín en með þeim rauf hann skilorð vegna annnars þjófnaðarmáls. Maðurinn á að baki nokkuð langan sakaferil og þótti í ljósi hans ekki fært að skilorðsbinda dóminn þrátt fyrir að brotin væru smávægileg.