Actavis með þrjú ný samheitalyf í Tyrklandi

Actavis hefur markaðssett þrjú ný lyf í Tyrklandi sem öll verða seld undir eigin merkjum. Fram kemur í tilkynningu frá fyrirtækinu að um sé að ræða þunglyndislyfið Xenator, blóðþrýstingslyfið Blockace og og ofnæmislyfið Vivafeks. Actavis selur um 70 samheitalyf á tyrkneskum markaði og er í hópi fimm stærstu samheitalyfjafyrirtækja þar í landi. Tyrkland er í dag einn af fjórum stærstu mörkuðum Actavis og nemur sala félagsins þar um átta prósentum af heildarsölu eftir því sem fram kemur í tilkynningunni.