Saha jafnar fyrir United

Franski sóknarmaðurinn Louis Saha er búinn að jafna metin fyrir Manchester United gegn Celtic á 30. mínútu með marki úr vítaspyrnu. Markvörður Celtic var sakaður um að hafa brugðið Ryan Giggs í teignum og Lubos Michel dæmdi vítaspyrnu, en í endursýningu mátti sjá að dómurinn var út í hött. Leikurinn er engu að síður í hæsta gæðaflokki og hefur United sótt án afláts síðan liðið lenti undir.

Ryan Giggs þurfti svo skömmu síðar að fara af velli meiddur og inn í hans stað kom Norðmaðurinn Ole Gunnar Solskjær.

Af öðrum leikjum er það að frétta að Tiago var að koma Lyon í 2-0 gegn Real Madrid í Frakklandi, Steua hefur yfir 2-1 á útivelli gegn Dynamo Kiev og Milan og Arsenal hafa enn yfir 1-0 í leikjum sínum gegn AEK og Hamburg.