Yfir tíu þúsund hafa þegar kosið

Yfir tíu þúsund manns hafa kosið utankjörfundar fyrir komandi sveitarstjórnarkosningar hjá Sýslumannsembættinu í Reykjavík. Þetta eru mun fleiri en kusu alls utankjörfundar fyrir síðustu sveitarstjórnarkosningar.

Alls kusu þá um átta þúsund og sex hundruð manns utankjörfundar hjá sýslumanninum í Reykjavík en nú hafa yfir tíu þúsund manns kosið þar utan kjörfundar. Hægt er að greiða atkvæði í Laugardalshöllinni til klukkan tíu í kvöld. Á morgun kjördag geta kjósendur utan af landi greitt þar atkvæði en þurfa samt sjálfir að koma atkvæði sínu til skila.