Sjö leikmenn Tottenham með matareitrun

Flest bendir til þess að leik West Ham og Tottenham sem fram á að fara í lokaumferð ensku úrvalsdeildarinnar í knattspyrnu í dag verði frestað en sjö af leikmönnum Tottenham eru taldir vera með matareitrun. Með sigri í leiknum tryggir Tottenham sér fjórða sæti deildarinnar sem gefur þátttökurétt í Meistaradeildinni en Arsenal sem er einu stigi á eftir í fimmta sætinu leikur við Wigan í dag.

Beðið er nánari frétta af framvindu mála í herbúðum Tottenham sem ætti að liggja fyrir innan skamms en fulltrúar frá úrvalsdeildinni eru væntanlegir á hótelið þar sem liðið dvelur.

Ef Tottenham vinnur leikinn gegn West Ham, hvenær svo sem hann fer fram, mun eina von Arsenal til að tryggja sér þátttökurétt í Meistaradeildinni næsta tímabil, að vinna Barcelona í úrslitaleik keppninnar þann 17. maí n.k. Leikur Arsenal og Wigan mun fara fram í dag þó svo að leik West Ham og Tottenham verði frestað.