Forseti bæjarstjórnar leiðir listann

Elías Jónatansson, iðnaðarverkfræðingur og forseti bæjarstjórnar bolungarvíkur leiðir lista sjálfstæðismanna fyrir sveitarstjórnarkosningarnar þann 27. maí. Framboðslistinn var samþykktur einróma af fulltrúaráði Sjálfstæðisfélaganna í Bolungarvík á fundi ráðsins á skírdag.

Listinn er skipaður fólki með góða reynslu af sveitarstjórnarmálum og víðtæka þekkingu og reynslu úr atvinnulífinu. Listinn er skipaður 7 körlum og 7 konum. Þá má einnig geta þess að á listanum eru 5 einstaklingar sem teljast til ungra sjálfstæðismanna.