Rangers á yfir höfði sér refsingu

Skoska liðið Glasgow Rangers á yfir höfði sér refsingu frá evrópska knattspyrnusambandinu vegna hegðunar stuðningsmanna liðsins í leikjunum við Villareal í Meistaradeildinni á dögunum. Stuðningsmennirnir veittust að rútu spænska liðið og grýttu hana, auk þess sem þeir hrópuðu fúkyrðum að mótherjunum á meðan á báðum leikjunum stóð.

Þá gæti Villareal átt von á áminningu frá sambandinu vegna þess hve öryggismálum var ábótavant í heimaleik liðsins á Spáni. Sérstök nefnd hefur verið skipuð í málinu og kemur hún saman þann 12. apríl nk.