Straumur-Burðarás hefur keypt 5,5 prósenta hlut í norska tölvuleikjaframleiðandanum Funcom sem framleiðir netleiki. Hluturinn var keyptur í lokuðu hlutafjárútboði en allur eignarhluti Straums er metinn á tæpar 800 milljónir króna.
Funcom er hástökkvarinn á norska hlutabréfamarkaðnum á þessu ári en markaðsvirði fyrirtækisins hefur aukist um 110 prósent frá áramótum.
