Jafnt hjá Íslandi og Króatíu í hálfleik

Staðan í leik Íslands og Króatíu er jöfn 13-13 í hálfleik. Snorri Steinn Guðjónsson er markahæstur í íslenska liðinu með 4 mörk, þar af 1 úr víti, Ólafur Stefánsson hefur skoraði 3 mörk og þeir Einar Hólmgeirsson, Róbert Gunnarsson og Guðjón Valur Sigurðsson eru með 2 hver.

Íslenska liðið varð fyrir enn einu áfallinu um miðjan fyrri hálfleikinn þegar Einar Hólmgeirsson fékk þungt höfuðhögg og þurfti að fara meiddur af velli. Greinilegt er að meiðsli Einars eru þónokkur, en hann er stokkbólginn við gagnaugað og er í umsjá lækna íslenska liðsins.