Reynslubolti í brú FlyMe

Norðmaðurinn Finn Thaulow tekur innan skamms við stjórnarformennsku í sænska lággjaldaflugfélaginu FlyMe af Björn Olegård, sem mun sitja áfram í stjórn, að því gefnu að hluthafar samþykki þessa tilnefningu.

Thaulow er gamall jaxl úr flugheiminum en hann starfaði um þrjátíu ára skeið hjá SAS Group.

Í lok þessa mánaðar mun stjórn FlyMe óska eftir því að hún fái heimild til að selja nýtt hlutafé fyrir tæpa þrettán milljarða króna til þess að standa straum af yfirtökum.