Verður með á sunnudag

Neyðarástand hefur gripið um sig í herbúðum Brann í Noregi síðan Kristján Örn Sigurðsson fór meiddur af velli í toppslag deildarinnar gegn Lilleström fyrir skömmu. Óttast var að hann yrði frá svo vikum skipti en stuðningsmönnum liðsins til mikillar ánægju sagði hann í gær að hann myndi spila gegn núverandi meisturum Vålerenga á sunnudag. Hann missir þó af leik Brann í UEFA-bikarkeppninni gegn Åtvidaberg frá Svíþjóð á morgun.

Í þær 129 mínútur sem Kristján hefur verið fjarverandi hefur Brann fengið á sig þrjú mörk og tapað enn fleiri stigum. Liðið er enn með þriggja stiga forystua á Lille­ström en síðarnefnda liðið á leik til góða. Það er því mál manna í Noregi að Kristján Örn Sigurðsson gegni algeru lykilhlutverki hjá Brann í titilslag liðsins í ár.