Einvígi Alonso og Schumacher

Um helgina verður Formúlu 1 kappakstur í Búdapest og er mikil spenna fyrir hann. Michael Schumacher á þarna möguleika á að vinna sitt fjórða mót í röð en sex mót eru eftir. Fernando Alonso er í efsta sæti í keppni ökumanna en Schumacher er aðeins ellefu stigum á eftir honum og því ljóst að allt getur gerst.

"Ég er mjög bjartsýnn og tel brautina í Búdapest henta mér mjög vel. Ég nýt mín frekar í að vera í sókn en vörn, undirbúningurinn hefur gengið vel og þetta lítur allt mjög vel út," sagði Schumacher í gær. Alonso var aðeins rólegri á yfirlýsingunum en segist ætla að gera allt sem í hans valdi stendur til að auka bilið niður í Schumacher.