Gerrard væntanlega með Liverpool

Níu leikir verða á dagskrá í enska deildarbikarnum í kvöld og verður leikur Crystal Palace og Liverpool sýndur í beinni útsendingu á sjónvarpsstöðinni Sýn. Gert er ráð fyrir að Steven Gerrard verði í leikmannahópi Liverpool í kvöld.

Steven Gerrard hefur verið meiddur síðan í landsleik Englendinga og Austurríkismanna á dögunum og komið hefur á daginn að liðið má illa við því að vera án fyrirliðans. Útsending frá leik Palace og Liverpool hefst klukkan 18:35 á Sýn.

Leikir kvöldsins: Aston Villa - Burnley, Blackburn - Leeds, Crystal Palace - Liverpool, Doncaster - Gillingham, Fulham - West Brom, Mansfield - Millwall, Reading - Sheffield United, Sunderland - Arsenal, Wigan - Watford.