Aðrar leiðir verði kannaðar

Undirbúningshópur stofnunar íbúasamtaka í Laugardalshverfum telur að þó svo að það virðist sem að svokölluð „innri leið“ hafi verið valin við skipulagningu Sundabrautar í Reykjavík, þá sé ekki fullreynt að kanna aðrar leiðir. Ljóst sé að Sundabrautin mun hafa töluvert rask í för með sér fyrir íbúa í Laugardalshverfum þar sem með henni mun þjóðvegur liggja beint á gróin íbúahverfi. Borgarafundur íbúa í hverfunum sem liggja að Laugardalnum verður haldinn í Þróttaraheimilinu annað kvöld en margir íbúar eru hræddir við „innri leiðina“ og þá sérstaklega íbúar í Vogunum.