Valur niðurlægði Tblisi

Handknattleikslið Vals vann ótrúlegan 51-15 sigur á georgísku meisturunum í HC Tblisi í Evrópukeppni félagsliða í handknattleik í Laugardalshöllinni nú áðan. Valur hafði forystu 27-4 í hálfleik og það var Fannar Friðgeirsson sem var markahæstur í liði Vals með 12 mörk. Síðari leikur liðanna fer fram á sama stað á morgun, þar sem Georgíumennirnir seldu heimaleik sinn og eftir úrslit dagsins í dag er ljóst að eftirleikurinn ætti að verða Hlíðarendapiltum næsta auðveldur.