Brynjar B. aftur í byrjunarliðið
Landsliðsþjálfararnir, Ásgeir Sigurvinsson og Logi Ólafsson, hafa tilkynnt byrjunarlið Íslands gegn Króatíu, en liðin mætast á Laugardalsvelli kl. 18:05 í dag í undankeppni HM 2006 í fótbolta. Nokkrar breytingar eru á byrjunarliðinu frá síðasta leik sem var gegn S.Afríku. Stillt er upp með leikskipulaginu 4-2-3-1, fjögurra manna varnarlínu og fyrir framan vörnina leika tveir djúpir tengiliðir. Fyrir framan tengiliðina tvo er leikið með tvo kantmenn og sóknartengilið fyrir aftan framherjann. Byrjunarlið Íslands Markvörður: Árni Gautur Arason. Hægri bakvörður: Kristján Örn Sigurðsson. Vinstri bakvörður: Indriði Sigurðsson Miðverðir: Auðun Helgason og Hermann Hreiðarsson. Tengiliðir: Brynjar Björn Gunnarsson og Stefán Gíslason. Hægri kantur: Grétar Rafn Steinsson. Vinstri kantur: Gylfi Einarsson. Sóknartengiliður: Eiður Smári Guðjohnsen (fyrirliði). Framherji: Heiðar Helguson.
