Mæta Spánverjum í dag

Íslendingar mæta í dag Spánverjum á heimsmeistaramóti leikmanna 21 árs og yngri í handbolta en keppt er í Ungverjalandi. Íslendingar og Þjóðverjar hafa forystu í B-riðli, en Íslendingar hafa unnið Chilemenn og Kongomenn með miklum yfirburðum. Þjóðverjar unnu Spánverja 34 mörkum gegn 32. Árni Sigtryggson er 12. markahæsti leikmaður mótsins með 19 mörk en Kóreumaðurinn Soo-Young Jung er markahæstur með 28 mörk. Ásgeir Örn Hallgrímsson er í 9da sæti yfir flestar stoðsendingar Íslensku markverðirnir hafa varið flest mörk í keppninni til þessa.