Baugur dregur sig út úr viðræðum

Samkvæmt áræðanlegum heimildum liggur ljóst fyrir að Baugur mun draga sig út úr samningaviðræðumum kaupin á Sommerfield. Ástæðan er ákæran á hendur Jóni Ásgeiri forstjóra og fimm öðrum. Baugur mun að öllum líkindum senda frá sér tilkynningu um málið nú í kvöld eða fyrramálið. Jón Ásgeir Jóhanneson vildi ekki ræða við fréttastofuna í dag en sá sér þó fært að ræða við breska fjölmiðla. Hreinn Loftsson stjórnarformaður vildi ekki staðfesta hvort Baugur ætlaði að hætta við þáttöku í kaupunum á Sommerfield en sagði þó að verið væri að reyna að finna skynsamlega lausn á málinu. Hann sagði einnig ljóst að atburðir heima á Íslandi hafi komið þessu máli í uppnám og að menn hafa viljað fá skýringar til að átta sig á því með hvaða hætti hlutirnir geti haldið áfram. Samkvæmt heimildum fréttastofu mun Baugur fá greitt fyrir að hætta við þáttöku en upphæðin hefur ekki komið fram. Hreinn vildi ekki segja hversu miklum fjárhæðum Baugur hefði kostað í samningaviðræðurnar en viðurkennir að um verulegar fjárhæðir sé að ræða en segist gera betur grein fyrir málinu síðar. Þrátt fyrir að Baugur dragi sig nú út úr viðræðunumer hagnaður fyrirtækisins af Sommerfield nú um þrír milljarðar króna. Samningar snúast því um bætur fyrir líklegan hagnað sem Baugur verður af í framtíðinni. Hreinn segir líka að Baugur njóti enn virðingar og trausts í bresku viðskiptalífi. Fréttastofan hefur heimildir fyrir því að Baugur eigi í viðræðum um kaup á öðru fyrirtæki í Bretlandi. Gestur Jónsson, verjandi Jóns Ásgeirs, segir að ákærur á hendur honum og sexmenningunum verði birtar eftir helgi.