Sport

Rafa ver mark Garcia

Rafa Benitez hefur varið markið umdeilda sem Luis Garcia skoraði er lið hans, Liverpool, sló Chelsea út úr Meistaradeild Evrópu í kvöld og er komið í úrslit. Sá spænski sagði að Petr Cech hefði fellt Milan Baros og hefði dómarinn ekki dæmt markið gilt hefði hann þurft að dæma víti og reka Cech af leikvelli. ,,Ég er ekki búinn að sjá atvikið aftur, en ég sá að það var víti og rautt spjald. En dómarinn dæmdi mark í staðinn," sagði Benitez. ,,Þetta var erfiður leikur," hélt Benitez áfram. ,,Við byrjuðum á háu tempói og skoruðum mark. Við stjórnuðum leiknum og reyndum að halda því áfram en það var mjög erfitt. Í síðari hálfleik áttum við fleiri valmöguleika með Harry Kewell, sem hélt boltanum vel, og með hraða Djibril Cissé, en undir lokin var það góður varnarleikur sem skóp sigurinn."
Íslenski boltinn Meistaradeild Evrópu

Mest lesið


Fleiri fréttir

Sjá meira


×

Mest lesið