Cole sér fyrir slag við Milan

Enski landsliðsmaðurinn Joe Cole er farinn að sjá fyrir sér úrslitaleik við AC Milan í Meistaradeildinni í sumar og segir að ítalska liðið sé "ótrúlega sterkt". Við erum í góðri stöðu gegn Bayern, með 4-2 forskot í síðari leikinn og sama hvað gerist í næstu umferðum, held ég að Milan verði alltaf liðið til að leggja að velli ef menn ætla sér að hampa titlinum, þeir eru með ótrúlega sterkt lið," sagði Cole, sem greinilega ætlar liði sínu ekkert annað en Evróputitilinn. "Það yrði frábært ef við næðum að vinna þrennuna," sagði hann í samtali við uefa.com.