Hefði átt að verja, sagði Carson

Scott Carson, markvörður Liverpool, fullyrti að hann hefði átt að gera betur eftir leikinn gegn Juventus á Anfield í Meistaradeild Evrópu í gær. Liverpool vann leikinn, 2-1, en Carson vill meina að hann hefði getað komið í veg fyrir mark Juventusmanna. "Mér fannst ég ekki hafa gert mistök meðan á leiknum stóð en það breyttist við að sjá myndband af markinu," sagði Carson. "Það þýðir samt ekkert að velta því fyrir sér enda hættulegt að láta gömul atvik fylgja sér inn í næsta leik."