Actavis sendir lyf til Rússlands

Lyfjafyrirtækið Actavis hefur sent fyrstu lyfjasendinguna til Rússlands af lyfjum sem framleidd eru á Íslandi en fyrirtækið sendi um tvær milljónir taflna af hjartalyfinu lisinopril í byrjun apríl. Í tilkynningu frá Actavis segir að Rússland og nálæg lönd séu stór markaður fyrir Actavis og nemur salan þar um fimmtán prósentum af heildarsölu samstæðunnar. Gert er ráð fyrir að fleiri lyf fyrirtækisins verði seld til Rússlands á þessu ári en alls starfa um 200 manns hjá Actavis í Rússlandi og nálægum löndum.