Villareal í þriðja sætið

Villareal náði í gær þriðja sætinu í spænsku úrvalsdeildinni í knattspyrnu þegar liðið sigraði Athletic Bilbao 3-1. Jose Mari skoraði tvö marka Villareal og Diego Forlan eitt en hann hefur nú skorað 18 mörk, jafnmörg og Samuel Eto´o hjá Barcelona. Zaragoza og Valencia gerðu 2-2 jafntefli og Real Sociedad sigraði Osasuna 2-0. Í dag verður leikur Barcelona og Betis sýndur á Sýn. Strax að loknum leik Ciudad Real og Montpellier í Meistaradeildinni í handknattleik verður skipt yfir til Katalóníu, rétt fyrir klukkan fjögur.