Kewell úti

Liverpool hefur staðfest að Harry Kewell mun ekki leika með liðinu gegn Bayern Leverkusen i Meistaradeildinni í kvöld vegna meiðsla. Fyrir tveimur dögum var því lýst yfir að kappinn væri orðinn leikfær eftir meiðsli sem hann hlaut í úrslitaleik bikarkeppninnar á Englandi, en hann hefur nú dregið það allt til baka og er enn að berjast við meiðsli á ökkla, í nára og hásin. Rafa Benitez, knattspyrnustjóri segist ekki skilja upp eða niður í þessum meiðslum hjá leikmanninum og virðist vera farinn að láta meiðsladrauginn í Liverpool liðinu á leiktíðinni, fara eilítið í taugarnar á sér. Það lítur því út fyrir að Milan Baros verði eini leikhæfi framherji enska liðsins í kvöld, þar sem það sækir þýska liðið heim með þægilega 3-1 forystu úr fyrri leiknum.