Morientes færist nær Liverpool

Samkvæmt Sky sjónvarpsstöðinni gæti Fernando Morientes loksins verði á leið til Liverpool fyrir 7 milljónir punda, en í þeim pakka yrði líka markvörðurinn Cesar. Liverpool hafa hækkað tilboð sitt í landsliðsmanninn spænska í 6.5 milljón pund og hafa forráðamenn Real loksins samþykkt að leyfa honum að fara. Nýráðinn stjóri þeirra, Brasilíumaðurinn Wanderley Luxemburgo, hafði áður sagt að hann vildi ekki sleppa Morientes, en nú virðist vera komið skrið á málið þar sem félagið getur ekki tryggt honum fast sæti í byrjunarliðinu. Rafa Benitez, stjóri Liverpool, hefur einnig snúið sér að varamarkverði Real, Cesar, og mun hann vera hluti af kaupverðinu sem er talið vera um 7m punda samtals. Cesar hefur ekki fengið mörg tækifæri á Santiago Bernabeu þar sem Iker Casillas er á undan honum í goggunarröðinni. Fjölmörg lið vildu fá Morientes í sínar raðir, en hann sjálfur vildi aðeins fara til Liverpool og nú virðist það vera verða að veruleika.