Viðræður við Morgan Stanley

Framkvæmdanefnd um einkavæðingu hefur, eftir mat á fjórtán tilboðum frá innlendum og erlendum fjármálastofnunum og ráðgjafarfyrirtækjum sem nefndinni bárust, ákveðið að ganga til viðræðna við Morgan Stanley í London um gerð samnings um þjónustu vegna fyrirhugaðrar sölu á hlutabréfum ríkisins í Landssíma Íslands hf. Um er að ræða ráðgjöf varðandi tilhögun sölu á hlutabréfum í Landssíma Íslands hf. annars vegar, og sölu á kjölfestuhlut - ef til sölu slíks hlutar kemur - hins vegar.