Kennarar leggja fram nýtt tilboð

Fyrir stundu lögðu kennarar nýtt samningstilboð fyrir launanefnd sveitarfélaga. Sjónvarpið greindi frá. Ekki hefur fengist staðfest hvað í tillögunni felst en vonir eru bundnar við að með þessu útspili megi afstýra því að verkfall grunnskólakennara hefjist á ný á miðnætti. Samkvæmt fréttum Sjónvarpsins er samkvæmt tillögu kennara gert ráð fyrir mun meiri launahækkunum en fólst í miðlunartillögu ríkissáttasemjara og samningi út árið 2007. Taki launanefnd sveitarfélagana tilboðinu, mun samninganefnd kennara trúlega fresta verkfalli sem á að hefjast að nýju um miðnætti.