Sölu nýrra hluta í KB banka lokið

Söluferli á nýjum hlutum í Kaupþingi Búnaðarbanka er lokið. Á bilinu 80 - 110 milljónir hluta voru í boði á genginu 460 – 500, háð eftirspurn. Alls skráðu fagfjárfestar sig fyrir rúmum 86 milljörðum króna og var því umframeftirspurn. Samtals voru seldir 110 milljónir hlutir til fagfjárfesta á genginu 480 krónur á hlut og er markaðsvirði þeirra 52,8 milljarðar króna. Söluverð hlutanna í útboðinu jafngildir 4,0% afslætti frá lokaverði þann 11. október síðastliðinn.   Af þeim 110 milljónum hluta sem seldur voru fóru um 55 milljónir hluta til fjárfesta sem ekki tilheyrðu hluthafahópi Kaupþings Búnaðarbanka fyrir útboðið.   Umsjón sölunnar var í höndum Fyrirtækjaráðgjafar Kaupþings Búnaðarbanka hf. en Deutsche Bank var ráðgjafi bankans við sölu hlutanna.