Nýr vefur um sumarbústaði

Sumarbustadur.is (með litlu s í byrjun) er nýlegur íslenskur vefur sem LandArt ehf heldur úti. Þar er hægt að finna sumarbústaði til sölu og leigu og lóðir undir þá, ásamt einföldum ratkortum sem búið er að gera yfir flest sumarbústaðasvæði á landinu. Ýmsar fleiri gagnlegar upplýsingar er að finna á kortunum og vefnum svo sem um þjónustu, verslun, afþreyingu og neyðarþjónustu í nágrenni svæðanna. Á sumarbustadur.is er úrdráttur úr byggingarlögum sem vert er fyrir þá að skoða sem hyggjast reisa sér bústað. Einnig eru þar upplýsingar um bændagistingu á öllu landinu, fjarlægðir milli staða og fjölmargt annað.